মুখ্য পৃষ্ঠা
06/04/2515:29
মৰমৰ কনেঙ
বাঁহীৰ মাত শুনি মোৰ কনেঙ জনী
ৰবকে নোৱাৰে নাচে হালি-জালি |
কহুঁৱা-বিৰিণা হালে-জালে
কনেঙৰ নাচোনৰ তালে-তালে ;
অভিমানি মলয়া জাক আহি
কনেঙৰ ৰিহাৰ আঁচল উৰুয়াই নিয়ে !
লুইতৰ পাৰতে ঘৰ সাজিছো
ইকৰাই গাঠিছো চাল ;
কনেঙ আহিব বুলি আশা বুকুত বান্ধী
বহুতো ৰাতি উজাগৰে কৰিছো পাৰ !
লুইতৰ বুকুয়েদি ভতিয়াই যামেগৈ
যদি নাহে কনেঙ মোৰ কাষলৈ ;
ৰিঙিয়াই মাতিলেও উলটি নাচাওঁ
নাপাব কোনোদিন বাঁহীৰ সুৰ
শুনিবলৈ !
বাঁহীৰ মাত শুনি মোৰ কনেঙ জনী
ৰবকে নোৱাৰে নাচে হালি-জালি |
____ৰাজু কলিতা
30/07/14
